దైవప్రేమ

దైవప్రేమ ఈ ప్రపంచం ప్రేమమయం. ఈ లోకంలో ప్రతి మనిషిలో ప్రేమ ఉంది. ప్రతి జీవిలో ప్రేమ ఉంది. ప్రతి ప్రాణిలో ప్రేమ ఉంది. అంతా ప్రేమమయం. అవ్యాజమైన ప్రేమ. ప్రేమే దైవం అన్నారు కొందరు. తల్లిప్రేమ, సోదరప్రేమ. భార్యాభర్తల ప్రేమ. ఇలా ప్రేమ అనేక విధాలు. తల్లిప్రేమ ఒక ఎత్తైతే దైవప్రేమ డెబ్భై తల్లుల ప్రేమతో సమానం అంటారు. దైవప్రేమ తేజోవంతమైనది. చెరగనిది. శాశ్వతమైనది. షైతాన్‌ ప్రేమ దౌర్జన్యమైనది. ఇంద్రి యలోలత్వ ప్రేమ పాపపంకిలమైనది. మనోకాంక్షా ప్రేమ కఠినమైనది. ప్రేమ అనే విత్తనం శీతోష్ణస్థితులకు అనుగుణంగా ఎలా దినదిన ప్రవర్థమానమై ఆకులు, కొమ్మలు, రెమ్మలు, పుష్పాలు, ఫలాలు మొదలైన వాటితో ఎలా అభివృద్ధి చెందుతుందో అలాగే అభివృద్ధి చెందాలి. అల్లాహ్‌ ఏం కోరుతున్నాడు? నా దాసునికి నాతో ఒక గట్టి సంబంధం ఉండాలని కోరుకుంటాడు. ఈ సంబంధాన్ని మానవ మహోపకారి ముహమ్మద్‌ ప్రవక్త (స) నిజం చేసి చూపించారు. దైవం తన దాసునితో విడదీయరాని బంధాన్ని కోరుకుంటాడు. ఎప్పుడైతే బలమైన సంబంధం ఏర్పడిందో అప్పుడు అతడు ఫర్జ్‌ (విధులు) ఆరాధనలు చేస్తాడు. ప్రవక్త ప్రవచనాలను అనుసరిస్తాడు. అదనపు ఆరాధనలు (నఫిల్‌) చేస్తాడు. రాత్రింబవళ్లు ధ్యాన నిమగ్నుడవ్ఞ తాడు. ఆనందంతో శ్రమ అనేదే లేకుండా సమ యాన్ని సద్వినియోగం చేసుకుంటాడు. నిజమైన విశ్వాసులు-అల్లాహ్‌ ప్రస్తావన రాగానే వారి హృదయాలు భయంతో వణుకుతాయి. అల్లాహ్‌ ఆయతులు వారి ముందు పఠింపబడి నపుడు అవి వారి విశ్వాసాన్ని మరింత వృద్ధి చేస్తాయి. వారు తమ ప్రభువ్ఞనే నమ్ముకుంటారు. ఇక్కడ విశ్వాశుల నాలుగు ముఖ్య లక్షణాలను పేర్కొనడం జరిగింది. మొదటితరగతి వారు కేవలం అల్లాహ్‌కు మాత్రమే విధేయులై ఉండరు. అల్లాహ్‌కు, ఆయన ప్రవక్తకు కూడా విధేయత చూపుతారు. మరోవిధంగా చెప్పాలంటే వారు కేవలం ఖుర్‌ఆన్‌ను అనుసరించరు. ఖుర్‌ఆన్‌తో పాటు హదీసుగా వారి హృదయాలు భీతితో కంపిస్తాయి. రెండవతరగతి వారు అల్లాహ్‌ ప్రస్తావన వచ్చినపుడు ఒక్కసారిగా వారి హృద యాలు భీతితో కంపిస్తాయి. మూడవతరగతి వారు దివ్యఖుర్‌ఆన్‌ పారాయణం వల్ల వారి విశ్వాసం (ఈమాన్‌) పెరుగుతుంది. నాలుగవ తరగతి వారు తమ ప్రభువ్ఞనే నమ్ముకుంటారు. ఇలా భక్తులు దైవం ఎడల, దైవప్రవక్త ఎడల గాఢప్రేమను, భక్తిని ప్రదర్శించుతుంటారు.     –Abdul huqq – vaartha